ЗНМ: Обезбедувањето на Чулев го прекрши кодексот на однесување на полициски службеници и недолично се однесуваше кон новинарот Салиу

Објавено на 07.05.2020 во 23:20:56 часот | Македонија

* реклама ----------------------------------------------------------------------------------------------------

  

-----------------------------------------------------------------------------------------------------------------

Здружението на новинарите на Македонија го осуди односот на полициските службеници од обезбедувањето и одговорните за протокол на министерот за внатрешни работи, Наќе Чулев кон новинарот од ТВ Клан, Фуркан Салиу.4

„На денешниот настан организиран од МВР, обезбедувањето на министерот прекршувајќи го Кодексот на однесување на полициски службеници (во членот 19 според кој полицијата има обврска да воспостави професионален однос со медиумите и новинарите) на крајно недоличен начин пробуваше да го оддалечи новинарот Салиу од министерот Чулев поради тоа што тој сакаше да му постави прашање. Според Салиу, дел од неуниформираните полицајци дури тврделе дека треба „да му одржат лекција на него“ што претставува директна закана кон новинарот и е недозволива за било кој државен службеник. Особено е недозволиво вакви работи да се случуваат на денот на македонската полиција“, се наведува во реакцијата на ЗНМ“

*реклама ----------------------------------------------------------------------------------------------------

 

-------------------------------------------------------------------------------------------------------------------

ЗНМ бара од одделот за внатрешна контрола при МВР итно да го истражи овој случај и соодветно да ги казни припадниците на полицијата кои си дозволиле да постапуваат спротивно од законските овластувања.

„Воедно укажуваме на министерот за внатрешни работи дека кога се организираат настани на кои се поканети медиуми, тој мора да оддели време за прашања за новинарите, особено на настани за кои постои голем јавен интерес. Во спротивно, таквото однесување се смета за нетранспарентно и недемократско“, велат од ЗНМ.

 

 

loading...

 

Македонија

Свет