ВЛАДАТА ОДЛУЧИ ПОРАДИ БИТКАТА СО КОРОНА: Со 1,3 милион евра ќе се прават нови влезови, паркинзи и тротоари на Клинички центар во Скопје

Објавено на 01.04.2020 во 23:17:03 часот | Македонија

Владата додели 78 милиони денари (речиси 1,3 милиони евра) за организирање и реконструкција на јавните површини во просторот на Клинички центар „Мајка Тереза“, Скопје со цел обезбедување на поефикасно функционирање и укажување на здравствени услуги, пренесување и транспорт на пациенти заболени од коронавирусот и непречено функционирање на останатите клиники во Клиничкиот центар во услови на зголемен обем на работа за време на вонредна состојба.

„Според Член 2 од оваа Уредба, финансиското учество на Владата е за трошоци за реконструкцијата на улици и тротоари, пробивањето на нови влезови, одвојување на автомобилскиот и пешачкиот сообраќај и непречено движење на интерхоспиталните и интервентните возила и возилата на Итна медицинска помош, докторите и пациентите на клиниката, како и расчистување на јавните површини на просторот во Клиничкиот центар „Мајка Тереза“ Скопје“, информираат од владината прес-служба.

Средствата утврдени со оваа уредба Министерството за финансии ќе ги префрли на Град Скопје, кое ја реализира реконструкција на јавните површини во просторот на Клинички Центар „Мајка Тереза“ Скопје, во координација со Јавните претпријатија основани од Градот Скопје.

 

 

loading...

 

Македонија

Свет