Трамп ги забрани сите патувања од Европа кон САД

Објавено на 12.03.2020 во 15:01:22 часот | Свет

Американскиот претседател Доналд Трамп ги забрани патувањата од Европа во САД во обид да го спречи натамошното ширење на коронавирусот, кој вчера беше прогласен за пандемија.

Тој додаде дека „силните, но неопходни“ ограничувања нема да се однесуваат на Велика Британија, иако таму има 460 случаи на КОВИД-19. Во соопштението на Белата куќа беше појаснето дека забраната се однесува на 26-те земји од Шенген зоната, што значи дека таа нема да погоди и некои други европски земји, освен Велика Британија.

„Со цел да спречиме доаѓање на нови случаи на нашиот брег, ги суспендираме сите патувања од Европа. Новите правила стапуваат на сила в петок на полноќ“, изјави Трамп.

Забраната за патувања не се однесува на американските државјани.

Во САД досега се потврдени 1.135 случаи на коронавирусот, а има и 38 починати.

„Европската Унија потфрли во своите мерки на претпазливост, додека САД се борат со вирусот“, кажа Трамп, кој се обрати само неколку часа откако Италија усвои нови, уште порестриктивни мерки.

 

 

loading...

 

Свет

Македонија