(ВИДЕО) Митревски: СДСМ ја крена земјата и ја поведе напред, на 12 април граѓаните избираат напредок, режим никогаш повеќе

Објавено на 04.01.2020 во 20:40:27 часот | Македонија

Изборот на оваа техничка влада доаѓа во различни околности во однос на техничката влада која ја имавме пред 4 години кога државата се соочуваше со сериозна политичка криза, а државата беше на амбисот, бевме изолирана држава, а институциите на Европската Унија не декларираа како заробена држава, рече координаторот на пратеничката група на СДСМ и коалицијата, Јован Митрески на денешната седница во Собранието.

Тогаш режимот на ВМРО-ДПМНЕ и Никола Груевски држеше се под контрола, се вршеше прислушкување, немаше правда имаше монтирани случаи и пресуди како секојдневие, а денес после 2 и пол години, ние сме држава која ги реши отворените прашања со соседите, држава која е на еден чекор од членство во НАТО, држава која е на праг на отпочнување на преговорите со ЕУ, додаде Митрески.

Денес сме држава, која за 2 и пол години откако СДСМ ја предводи владата ја посетија најважните европски лидери, денес сме држава која на економски план се развива со нормално темпо и парите се враќаат кај граѓаните. Просечната плата порасна, имаме драстичен раст на минималната плата, растат платите во сите клучни сектори.  Растат и пензиите и од овој месец пензионерите и пензионерките ќе добиваат повисоки пензии за 900 денари, истакна Митрески.

Митрески се осврна и на решениот проблем со стечајците и реформата во социјалата, потенцирајќи дека социјалната помош порасна за 300 отсто, а статусот на 12.000 стечајци е решен и тие земаат редовен месечен приход од над 8.000 денари.

Економијата е во раст. Се отвораат нови и подобро платени работни места. За 2 и пол години преку конкретни мерки на СДСМ отворенис е над 60.000 работни места од кои најголен дел се во приватниот сектор. Невработеноста падна на историски минимум од 17.1 отсто. За 2 и пол години направено е многу повеќе во сите сфери во економијата од претходните 11 години, официјалните податоци се доказ за тоа.  Од -1.8 отсто во 2017 година,  економијата денес има раст од над 3.6 отсто, потенцираше Митрески

Ги вративме слободата и демократијата, додека 11 години не смееше да се зборува, имавме заробени институции, медиуми и загрозени човекови права, поделби и етнички тензии, денес живееме во слободна држава. Оваа влада буквално од темел ги крена сите институции. Убедени сме дека оваа техничка влада ќе спроведе фер и демократски парламентарни избори што е пракса откако СДСМ е на власт, рече Митрески.

Митрески посочи дека одговорност се очекува од сите, па и од министрите кои доаѓаат од ВМРО-ДПМНЕ.

Во интерес на граѓаните е да продолжиме да работиме, темелно, ефикасно и да создадеме услови за избори без никаква темна дамка. Во услови кога очекуваме ЕУ да ја исправи неправдата која и беше нанесена на нашата држава, и иако испорачавме се не добивме датум за преговори, ние мораме да покажеме дека сме демократстко општество во кое владеат принципите на правда и праведност.

Граѓаните на 12 април ќе се одлучат за безбедна и сигурна иднина, за економски развој и сигурност, социјална стабилност, наспроти враќање назад во неизвесност, несигурност и небиднина, заклучи Митрески.

 

 

 

loading...

 

Македонија

Свет