БОМБА НА ЗАЕВ: Утрово ја потпишав оставката, собранието денеска ќе ја усвои

Објавено на 03.01.2020 во 09:42:57 часот | Македонија

Премиерот Зоран Заев изјави дека ја потпишал оставката и оти денеска Собранието на седница само ќе ја констатира.

– Верувам дека многу набрзо ќе стигне во Собранието за во текот на денот да може да почне процедурата и да се завршат работите за избор на преодната влада, рече Заев во емисијата „Утрински брифинг“.

Бидејќи за оставката не се дискутира, веднаш ќе се оди на избор на техничката влада, 100 денови пред вонредните парламентарни избори на 12 април.

Заев во емисијата „Утрински брифинг“ очекува целиот процес да оди без никакви проблеми. Техничката влада е според таканаречниот „Пржински модел“ кој прв пат е применет за изборите во 2016 година.

Претходно владејачката партија СДСМ го прифати предлогот на опозициската ВМРО ДПМНЕ поранешниот директор на Агенцијата за разузнавање Наќе Чулев да биде технички министер за внатрешни работи.

Шефот на државата Стево Пендаровски треба мандатот за формирање техничка влада да му даде на министерот за внатрешни работи Оливер Сапсовски по што Собранието до полноќ треба да го потврди новиот кабинет во кој опозицијата има две министерски места и тројца заменици министри.

 

 

loading...

 

Македонија

Свет