КАКО МОЖЕ ЛУЃЕТО ДА БИДАТ ВАКВИ ЅВЕРОВИ: Жител на Ваксинце тероризирал и измачувал мигранти во својата куќа за да извлече повеќе пари од нив

Објавено на 03.11.2019 во 21:11:31 часот | Македонија

 
* Реклами ----------------------------------------------------------------------------------------
  
---------------------------------------------------------------------------------------------------------
 
 
 

* Реклами  ---------------------------------------------------------------------------------

  
---------------------------------------------------------------------------------------------------------

Против еден македонски и тројца пакистански државјани е покрената истражна постапка за кривично дело криумчарење мигранти. Тие се сомничат дека кон крајот на месец октомври и почетокот на ноември, по претходен договор, прифаќале мигранти и ги сместувале во куќата на осомничениот македонски државјанин.

„Кога мигрантите ќе посакале да си заминат, осомничените Пакистанци со намера да извлечат дополнително пари од мигрантите, постапувале понижувачки и сурово кон нив. Тие ги принудувале жртвите телефонски да стапат во контакт со свои роднини кои веќе биле заминати во западноевропските земји и да бараат роднините да префрлат пари на сметки што осомничените им ги посочувале. Ако за определено време не биле испратени парите, жртвите биле тепани и малтретирани со палки и шипки“, соопштија од Јавното обвинителство.

Од таму додаваат дека на ваков начин осомничените постапиле и кон две лица со индиско потекло.

* Реклами  ---------------------------------------------------------------------------------

    
---------------------------------------------------------------------------------------------------------

„Тие вознемирени и со плачење се јавиле на свој пријател во Белград и побарале да уплати на сметка по 1300 евра за секој од нив, за да им биде овозможено понатаму да ја продолжат рутата. Пријателот веднаш случајот го пријавил во српската полиција. По добиената информација од страна на органите на Р.Србија, вечерта на 1.11.2019 година, македонските полициски службеници спровеле полициска акција во с. Ваксинце. Во куќата на првоосомничениот, каде во нечовечки услови со денови биле затворени мигрантите, при претрес се пронајдени првоосомничениот и дванаесет мигранти од кои две се малолетни лица, а тројца се препознаени како сторители на кривичното дело. Десетина лица – мигранти избегале непосредно пред полициската акција“, велат од Обвинителство.

На тројца од осомничените им е определена мерка притвор во траење од 30 дена, а за еден осомничен е определена мерка куќен притвор.​

* реклами  -------------------------------------------------------------------------------------

  

------------------------------------------------------------------------------------------------------

 

 

loading...

 

Македонија

Свет