Предлог закон: Лектори по македонски јазик во сите институции и задолжителен предмет на факултетите

Објавено на 30.10.2019 во 18:02:12 часот | Македонија

* Реклами ----------------------------------------------------------------------------------------
  
---------------------------------------------------------------------------------------------------------
 
 

* Реклами  ---------------------------------------------------------------------------------

  
---------------------------------------------------------------------------------------------------------

Со предлог законот за употреба на македонскиот јазик за кој денеска почнува јавна расправа се предвидува задолжително ангажирање или вработување на лектори по македонски јазик во сите државни и јавни установи и институции, задолжително изучување на македонскиот јазик на сите високообразовни установи во два семестри и натамошна афирмација на македонскиот јазик во странство преку обновување на старите и отворање нови лекторати по македонски јазик на странските универзитети.

* Реклами  ---------------------------------------------------------------------------------

    
--------------------------------------------------------------------------------------------------------

„ Во предложениот Закон, со промените се предвидува задолжително ангажирање или вработување на лектори по македонски јазик во сите државни и јавни установи и институции, како што се Владата, Собранието и министерствата на Република Северна Македонија, па сè до локалната власт, универзитетите, научните институции, средните и основните училишта, медиумите и сите други чинители во општествениот живот во земјава, како во државниот така и во приватниот сектор, соопшти владината Прес-служба.

Во соопштението се истакнува дека со предлог-законот се утврдува и задолжително изучување на македонскиот јазик на сите високообразовни установи во два семестри, што не беше практика досега, а првпат се предвидуваат и стипендии за студентите по македонски јазик и литература на сите три циклуси на високото образование и на сите универзитети во државата.

* реклами  -------------------------------------------------------------------------------------

  

-------------------------------------------------------------------------------------------------------

„ Согласно измените на предложениот Закон, предвидена е натамошна афирмација на македонскиот јазик во странство преку обновување на старите и отворање нови лекторати по македонски јазик на странските универзитети, на високообразовните и научните установи што се занимаваат со славистика, во државите во кои се изучувал досега, како и во оние држави каде што македонскиот јазик воопшто не бил застапен досега. Ова особено се однесува за соседните земји Србија, Бугарија, Грција, Албанија, Косово, како и на земјите од поширокото соседство: Хрватска, Словенија, Босна и Херцеговина, Црна Гора, Италија, Унгарија, Романија, Турција, информираа од владината прес-служба.

* реклами  ----------------------------------------------------------------------------------

   

-------------------------------------------------------------------------------------------------------

Од таму исто така посочуваат дека со новиот закон се предлага, македонскиот јазик да се изучува и во рамките на културните центри при амбасадите на  во странство, за што ќе се консултираат и Македонците во дијаспората.

„ Нацртот на новиот Закон за употребата на македонскиот јазик има за цел не само издигнување и зацврстување на употребата на македонскиот јазик на сите рамништа, туку треба да ги привлече и сите граѓани на кои македонскиот јазик не им е мајчин. И во таа смисла е во согласност со Законот за употреба на јазиците.

* реклами  -----------------------------------------------------------------------------------------

    
-------------------------------------------------------------------------------------------------------

Новиот Закон е во насока на нашиот јазик за евроатлантските интеграции и за неговата службена употреба во овие институции и во насока на спротивставување на сите напади и негирања однатре и однадвор, на кои, за жал, сме сведоци и во 21 век и на почвата на Европа“ соопштија од Прес-службата на Владата.

Нацрт законот е подготвен од стручно тело на Владата чиј претседател е Људмил Спасов, а по  серија одржани  подготвителни состаноци и седници со македонисти и членови на Советот за македонски јазик.

 * реклами  ----------------------------------------------------------------------------------

-------------------------------------------------------------------------------------------------------

 

 

loading...

 

Македонија

Свет