Заев-Мускат: Поддршка од Малта за старт на преговорите со ЕУ

Објавено на 25.09.2019 во 12:33:32 часот | Македонија

Малта дава силна поддршка на Северна Македонија за датум старт на преговорите со Европската унија во октомври,  рекол премиерот на Малта Џозеф Мускат на средбата со премиерот Зоран Заев, што се одржа во Њујорк, по повод учеството на Генералното собрание на ОН.

-Премиерот Заев разговараше со неговиот колега од Малта за позитивниот моментум за почеток на пристапните преговори на ЕУ со нашата земја, имајќи ги предвид оптимистичките заклучоци на Советот во 2018 и 2019 година, како и резултатите што ги испорача Северна Македонија на планот на домашните реформи и на постигнување на стандардите за членство во ЕУ. На средбата премиерот Мускат истакна дека Малта дава целосна и силна поддршка за Северна Македонија за датум за старт на преговорите со ЕУ во октомври, соопшти владината прес-служба.

Оттаму дополнуваат дека заеднички и особено позитивно е оценета засилената политичка комуникација меѓу двете земји по воспоставувањето на дипломатските односи на највисоко ниво.

Заев и Мускат се согласиле дека треба да се зајакнат економските односи меѓу двете земји, како и соработката во образованието и културната размена, и да се поддржи соработката меѓу главните градови Скопје и Ла Валета во насока на размена на искуства во областа на инфраструктурата, заштитата на животната средина, економскиот развој.

Нагласено е и дека зајакнувањето и на билатералната парламентарна соработка е од извонредно значење за двете земји.

На средбата учествуваа и вицепремиерот за европски прашања Бујар Османи и министрите за надворешни работи Никола Димитров и за здравство Венко Филипче.

 

 

loading...

 

Македонија

Свет