Пендаровски: Од Макрон добив гаранција дека политичката одлука за Македонија нема да биде подоцна од мај

Објавено на 14.11.2019 во 22:54:10 часот | Македонија

Не добив гаранции дека ке добиеме преговори, само гаранција дека методологијата се подготвува, која ќе биде нешто ново, вели претседателот Стево Пендаровски вечерва во Топ Тема на Телма, по средбата со францускиот колега Емануел Макрон.

Можно е промената на методологијата да ги засегне и базичните европски договори, но крајниот рок кој јас си го поставувам себеси е март, вели Пендаровски.

Добивме одлука и дека нема да има политичка одлука подоцна од мај, рече тој.

Во март чекаме да биде усвоена методологијата, која во моментов циркулира како нон пејпер и за чија содржина знаат неколку земји членки на ЕУ.
Средбата со Макрон траела 20 минути, вели Пендаровски, и објаснува дека тоа е е доволно време поради набиената агенда која постои кај политичарите на самитите.

Пендаровски добил впечаток дека Макрон е необичен политичар, нестандарден, интелегентен и директен политичар. Не заобиколува и не користи дипломатски речник, вели претседателот. Освен за методологијата, и за политичката одлука по нејзиното усвојување, Пендаровски добил гаранција и дека Макрон ќе ја посети нашата земја.

Сакам јас да им објаснам на вашите граѓани која е мојата позиција. Немам намера да ви нудам алтернативно членство, му рекол Макрон на Пендаровски.

 

 

* реклами:

loading...

Македонија

Свет